都話左架啦，放假去旅行分分鐘比返工更累。香港人攪旅行團喎，無死錯人，包你在最短時間做最多野，同返工一樣！

係呀，香港人去旅行都要睇到盡玩到盡食到盡行到盡買到盡，總之就係唔可以浪費一刻，咁先叫抵玩。

招待我地的上上賓喎，同招呼完成不可能任務的自己人完全唔同，點可以待薄佢地呢。

國寶級來香港玩，我地梗係將最好給最好，總之一分鐘都不能少，行程一浪接一浪，高潮係可以疊起，又演講又答問又歡迎宴又歡送宴又係烈火紅日下揮揮手又表演又花式又米老鼠又海馬海狗海獅海牛海豚又呢又露咁，仲有shopping喎。

粉絲熱情傳媒熱烈天氣熱爆，究竟係國寶來玩定我地玩？又想玩死國寶咩…

幾好體能，佢地唔係香港人，同唔到你咁玩法，梗係暈低啦，你係想「lok」班運動員棚牙定係佢地塊金牌先？

以佢地的生活紀律，係咪真係心急到早餐都唔食？定係schedule太緊湊，早餐時間都無左呢？

如果大家下一次去旅行，俾自己relax一下，唔好攪到辛苦過返工啦。

延伸閱讀：
金牌運動員張楊楊午宴暈倒