上星期出去lunch，係街角竟然給我遇上一位在多倫多的朋友，雖然不太相熟，我估計佢都唔記得我姓甚名誰，但那一刻只係問：咁都會撞到？她名叫Katherine，丈夫叫William，佢個仔對上一次見到仲係手抱，今次已經識行識走。

前晚去九龍站Elements食飯，又給我遇上一位多倫多High School同學，不過大家其實係唔識，只係認得個樣。聽講關楚耀都係我High School同學，但係我就對佢完全無印像，所以都唔知堅定流，sorry。

上個月，兩次到中環，兩次都給我在差不多的位置遇上一位朋友。其實返來香港之後，久唔久都會撞到一D多倫多人，有D識有D唔識，返來接近一年，遇到熟悉的面孔肯定唔止12張，天下之大，有些人以為無可能再見面，偏偏給你遇見，就是那麼奇妙。

最攪笑的一次，要算在工作附近的天橋，遇見一個面熟的人，大家相視兩秒也記不起對方，擦身而過之後再行大約十步左右，大家同一時間轉身呼喚對方的名字，好像做戲一樣，會否係Truman Show呢？

昨日參加同事婚禮，前幾日佢俾左張十幾年前o既相我睇，那時中五的他參加聯校活動，相中除了有他還有她？原來他們十幾年前合作過，之後沒有聯絡兼且忘記了對方，然後又走在一起，一天整理相簿才驚覺大家曾經合照過。

究竟，這世界是大還是小呢？