2007聖詩之夜

十下拾下

何解要粉飾太平？

何解要刻意經營？

真相是全城盡慶？

還是公關權最勁？

殺到埋身

本週來最困擾但又要作決的事：買電腦。小弟家中已經無電腦半年，以為ok無乜影響，點知近日開始出現問題。我本已有計劃買一台，只不過係等緊較好的出現(大家都知Vista唔係好掂架啦)，而且買呢D野也不宜太急進，只是最近各方面的環境因素都好似追逼住我咁。

1. 屋企個上網服務7月要續約，家姐叫我要盡快決定續唔續，否則要比貴D。但而家續約咪同比納空租無分別？
2. 開始感到少許唔方便。
3. 經同事買Dell會有9折，但要本月29號前落order同比錢。
4. 想等部mac喎，特別係佢的新OS即將推出，但要等到十月。相比起mac，Dell當然係無咁好，同等的產品可能仲貴。
5. 買左之後，寫野同做research都方便點。
6. 仲有，最近我諗到個買電腦利己利人的好處，所以又想買。

好頭痛……………….

不過今日同朋友呻完，我諗我都係唔會急於買Dell，上網服務會繼續。就係咁………….

個頭又大左。

隨書附送

朋友好心借我兩本書，還限定我這個lazy人要在某日期前看完，就是忠心的朋友才有這種膽色。不料，當我打開書的第一扇門，就見到佢送我大禮。

Canadian Beef

趁著爸爸節，買左三塊steaks返屋企整。

正所謂有好食材，又靚又新鮮的話，點整都好食。如果加埋reasonable的價錢，咁就唔洗諗咁多，食吧啦。所以我就去左銅鑼灣的和興行將今次的主角贖返屋企啦。和興行係一間凍肉批發，並不是一般街市凍肉舖。和興行主要售賣入口凍肉、扒類等，你要幾多佢切幾多，幾厚都得。

雖然未食過City Super的扒，但和興行一定抵食過City Super，而且都係好靚的肉，City Super的實在太肥，那天買的三塊就剛剛好，juicy兼鬆軟，唔會好似食香口膠又唔會太「漏」。不過今次買唔到牛柳，因為一定要成條買，因為一定要成條買，無十個人都唔會食得晒，如果買到的話一定要學整Beef Wellington ，因為睇過整的過程，都已經覺得好好食，而且唔係度度都有得食；一次在佐敦行過，見到有間餐廳有，不過就唔知好唔好食啦。

講返今次的主角，自從加國移民局錯誤地俾阿爸成為左加拿大公民之後，愛牛的爸爸都無乜機會為刺激加國牧牛業而盡點綿力，所以今次就買少少返來俾佢試下，亦以免我食得多過佢而顯得不孝。今次買的係Rib Eye。

負責切個位仁兄竟自行決定幫我切左半吋多少少厚，如果厚度係一吋的話，那口感就剛剛好啦。至於要控制塊扒熟的程度，除左憑經驗之外，亦可以參考呢度，咁你下次煮的話應該就唔會有太大問題。火的強弱，我在加拿大那邊就用medium high heat，所以今次都係大約，煎的時間就要睇食的人要幾熟啦。

總之今次呢塊就好好味，好味到我唔記得左同製成品影相，我想信well done都ok(阿爸食well done，但見都好易咬好juicy)，我相信點整都好味，一點都唔難整，哈哈，柴灣三寶下年可以考慮下。

其他supportive actors