rugby7

呢個weekend係一年一度的香港國際七人欖球賽，十三年前，我都有踏足香港大球場參加欖球比賽架，不過係打少年組。那時真係好熱愛rugby，真係好好玩，而入場打波同睇波，氣氛都好高漲，特別令人開心同投入，仲記得球場內，週圍都有啤酒味，一齊玩人浪，一齊大叫，好懷念當年能參加如此盛會。以前因為參賽所以有免費飛，但而家就無呢支歌仔唱啦。睇下第時會唔會有機會買飛入場啦。

不過移居加拿大之後，只可以久唔久在電視睇到球賽，雖然以前有個阿sir都係打rugby，但係見佢超大隻的身形，都知自己無可能同呢班加拿大人打波。

我記得當年打波時，天氣還有一點點冷，今年就勁熱。

822 822 32

每朝返工，久唔久就會見到一D奇怪、得意、或者好笑的事情。最近日日陪住我搭車的，就係快樂OL陳美和，佢每一日都會出現，但係我就覺得佢好可憐，朝朝都要當眾跳埋D咁o既舞，我的眼睛也活受罪，真係好同情佢。

陳美和的單人跳舞片段我就搵唔到啦，不過佢仲有好幾位同事都一樣要跳舞，但那一些舞步簡直在醜化她們，特別係潘芳芳。平反我就幫唔到佢地啦，唯有俾片你自己睇，自行定奪啦。

[gv data="mXSNmkbYZMU"][/gv]
[gv data="ASUAeKVuu8k"][/gv]
[gv data="Th27NPXWhcY"][/gv]
[gv data="MEQ3PDoSmLQ"][/gv]

好難相信佢地咁樣跳兩下就可以……，那些舞步真係有點兒求其，究竟有無人真係睇左佢地的廣告然後參加佢地的減肥班呢？有的話請與我聯絡。

錯晒

昨日睇到一個報告：

近日網上短片揭露，先有小學女生在巴士以傘子趕走欲坐在其旁邊的老人後，另一名年輕人在擠迫的巴士上以手提袋「強霸」隔鄰座位，逼使82歲的老伯伯「有位無得坐」，還報警投訴阿伯很惡。自私心令人顛倒是非，事件令人憂慮家教失職、德育失效。

點解可以變成咁？係邊度出左事？人性同良心去左邊？

Dreyer’s

在多倫多的日子，一直都好掛住Dreyer’s雪糕，十年啦，我同佢分開左十年啦。

返港咁耐，好想食Dreyer’s，但係三十幾蚊一盒，又唔係成日有雲呢拿，大拿拿一次過三十幾蚊買佢返來，好似食燒賣魚蛋平D喎。但諗下諗下，一盒Dreyer’s可以食十次，但一串魚蛋六蚊，如果同時買埋燒賣就十蚊兩串，咁即係話三十幾蚊係可以食到七串小食，或者十次Dreyer’s。而我在香港咁耐，一定食左超過廿串小食。咦，相等於三盒Dreyer’s喎。

又係另一個economics的問題。食街邊小食可以有好多choices，可以多幾個興奮；一盒雪糕係可以食十次，但十次都係一種口味(不過可以同家人分享)。道理應該係同一碗三丸河粉一定貴過一碗魚蛋粉/牛丸粉/貢丸粉，所以買一間Seven會係超貴。

我決定，出左糧之後一定要買一盒Dreyer’s。

PS.過去十年無Dreyer’s的日子，遇上喜慶唯有搵Haagen-dazs雲呢拿雪糕批頂住先，不過我發現香港貴過加拿大。no good………

傳福音的動力——體會主愛~滕近輝

主的愛——造成了福音。
主的愛——造成了傳福音的動力。

主對失喪者的愛是：

1. 哀泣的愛——當主耶穌從橄欖山坡下來，最後一次遠望耶路撒冷城時，他不禁哀泣（路十九41）。「巴不得……」是主慈愛心腸的呼聲。祂曾站在拉撒路墓旁流淚，實際上是為一切在死亡權下的人哀泣。
2. 憐憫的愛——「祂看見許多的人，就憐憫他們；因為他們困苦流離，如同羊沒有牧人一般。」在這一節的上文說：祂「走遍各城各鄉」，宣講福音（太九36、35）。是的，主的「憐憫」表現於「走遍」。
3. 嘆息的愛——當主耶穌面對一個「耳聾舌結」的人時，祂「望天嘆息」（可七34）。祂顧念人身體的痛苦，更顧念那些在心靈上向神耳聾舌結的人！
4. 孤單的愛——當主耶穌最後以犧牲生命救人的決心走向耶路撒冷時，竟聽見約翰與雅各向祂說：「主啊，?要我們吩咐火從天上降下來燒滅他們，像以利亞所做的麼？」（路九54）門徒不了解主的心。祂走在「愛之孤單」的路上。是的，祂孤單的走上各各他的十架。

你，你願意在「愛之孤單」的路上，與主同行麼？