最緊要{正}字

返香港其中一樣最開心的事，係可以睇香港的電視廣告創作，創作性比多倫多強，不過發現近年的創作好似有D參差，05年睇的電視廣告展「龍唸卷」比06年的好看；前幾日又發現必利痛抄橋；另一個好立克廣告的女主角又有懶音，連佢自己要sell的重點都講唔準。

除左懶音，錯別字都係一個嚴重的問題，我自己的水平都很差。不過香港仲有一群未放棄的人，其中電視廣播有限公司(TVB)就製作左一輯電視節目「最緊要{正}字」，係我最鐘意睇的電視節目，由現時受年輕讀者歡迎的作家王貽興及兩位藝員主持，另有多位中文系教授或學者作嘉賓主持，包括中文大學的講師博士，例如何文匯、康寶文、黃念欣。節目風趣鬼馬又不失有學習價值的材料。

有興趣可以上TVB網頁睇：網上睇

香港獨立媒體網頁：

「《最緊要正字》不但教曉香港人常犯錯別字的正確寫法，而且還向社會各界宣揚了中大十分關心社會語文的健康發展，不厭其煩的把港人教完又錯的錯誤說多幾遍。」

講返好立克廣告，好立克滋養牛奶麥粉係有奶又有麥，並唔係有奶又有「襪」。如果講錯音，好容易令你寫錯字，小心小心。

若不是耶和華建造房屋

詩篇第一百二十七篇對今天生活在香港的基督徒，具有最適切的信息。

「若不是耶和華建造房屋，建造的人就枉然努力。」建造的人興高采烈地籌謀、計劃、工作，渴求有新的建樹，一心相信只要勤奮苦幹， 總會有所成就。

人類歷史中一次最大的失望，便是建造巴別塔：「他們拿磚當石頭、又拿石漆當灰泥。他們說：『來吧！我們要建造一座城和一座塔，塔頂通天……』」但是這並不是出於神；因此「耶和華使他們從那裏分散在 全地上」。

無論是個人的事業，或是教會最屬靈的事工，「若不是」出於神，一切都會徒勞無功。因此要建造的人，不要急忙開始建造，要尋求明白耶和華的心意，樂意放下個人的「大計」，也願意努力跟隨元首，配合祂的建造。

「若不是耶和華看守城池，看守的人就枉然警醒。」縱使看守的人不眠不休，警覺謹慎，也不能因此得著完全的保障，人至終的保障在於耶和華。

「你們清晨早起，夜晚安歇，吃勞碌得來的飯，本是枉然；惟有耶和華所親愛的，必叫他安然睡覺。」

縱使我們早起晚歇，勤勞刻苦，生活仍可以是煩躁不安，毫不滿意。同樣，竭誠為主作工的人，不要以為只要盡一切力量事奉主，便可以得著心靈的滿足與安息。「惟有耶和華所親愛的」，惟有時刻留意聽從神心意的，便為祂所喜悅，無論在勞碌工作之時，抑或在停頓等候之際，也可以經歷那份安然。

第三至五節繼續以生育兒女作解釋：「兒女是耶和華所賜的產業；所懷的胎是祂所給的賞賜。」有誰能勞碌工作，從無中產生生命？最寶貴的建造既然是從神而來，我們的回應便只是從旁配合，欣然領受。

蕭壽華牧師

生活小記：新年黃金週

正月初七，即係話新年節慶已經維持左一個星期。雖然春節一般都係到初十五先至完結，但當大家都返回辦公室，我覺得都要收拾心情，過返正常的生活。小學的時候，每次長假期後總要交一篇生活小記，唔知你有無寫過，等我今日寫下先。

初一，走到街上見個個都著住新衫新褲新裙新鞋，其中見到一位女士戴上金腰帶。無聊症發作，立時諗起……「殺人放火金腰帶，修橋補路無屍骸」。不過今年金色hit成咁，無辦法，日前又有朋友話整左條金腰帶。

初二，到一個舊街坊屋企拜年，麥宅。男主人麥生講左一D幾值得細心回味的話。

1. 愛自己係好重要的，如果連自己都唔識得愛惜，點樣講得上愛其他人？
2. 沖茶同與人相處一樣，水的溫度不能過熱或過冷，溫和的水沖出來先好飲。

初三，去左兩間酒樓登記，先有位飲茶。勁多人。發現一位酒樓知客的廣播技巧極之高，真係要請教下。

初四，我遇上一位多年無見的多倫多朋友。九六年夏，返迦勒團的時候，佢當時係我組長，之後還認識左佢的家姐及兩個弟弟。我記得當年多倫多還不像現時多中國人，要食到一D在香港有的食物不易，其中一次到呢位朋友家作客人，佢媽媽整左一味好簡單，但令我印象深刻的菜，香煎雞蛋午餐肉，是我到達多倫多一年多以來第一啖午餐肉。不過，於00年前的一個暑假，我朋友的父母在一次交通意外中雙雙安息主懷，對我朋友四姊弟而言，是一個何等大的打擊，就算我自已也感到很傷心。隨後的中秋節，我和另外幾個朋友一同與他們四姊弟過節，當晚的情景再一次在我腦海中重播，當時年紀小的我卻不懂安慰他們。後來他們變得很低調，更失去了聯絡。一直都很想找他們，看看他們的近況，但總是提唔起勇氣，今次重遇他，又高興又沉重，希望可以保持聯絡。

初五，天陰有雨。唔知係咪時興集體回憶同尋根，阿爸阿媽話要去中上環尋找佢地的回憶，我當然係插翼難逃要一齊去啦，哈哈哈，雖然沒有鐘景輝做旁述，但了解左父母的一些歷史。晚上同一班多倫多的舊朋友食飯，席間發現原來新的Monopoly(新世代電子版)，即係以「錄卡」代替銀紙的版本，它的電腦程式係由我朋友寫的，哈哈。

初六，終於可以在家休息一天。發現必理痛廣告，同一個在多倫多播出的傷風藥廣告一模一樣，只係演員同產品唔同左，係咪抄橋呢？

檢討幾日的拜年經驗，發現自係除左識講新年快樂之外，係講唔出其他四字賀詞，唔知點解，每次都好似啞左咁。拜年的確係我的弱項。

既然新年即將完結，咁就同你分享一個同新年有關的廣告作總結。

[gv data="BhJT9Ig4eZ8"][/gv]

[gv data="1Fbxifr7jFA"][/gv]

兩隻大公仔真係好可愛，背脊的拉鍊我覺得係缺陷美。

等候

這段日子就事奉及工作的事情等候神，特別係求問神想我走的方向。回港三個多月，多左時間親近神，安靜思考，祂亦給我看見一些異象，只是未能確定那一個方向才是祂要我走的路。早陣子，寄了一封email給一位長輩，說到關於事奉的事情，日前收到他的回信，得到一些提醒。 在這裡與你分享。

…some basic Christian principles about seeking God’s will and guidance which you may have known for years. Serving God full time requires much affirmation from Him. It is an important life-long decision. I hope that you’ll move slowly and carefully. There is nothing better than doing things according to His will. As full-time Christian worker or not, we still serve Him full-time with our lives.

我也希望得到一個確認，請為我代禱。

盼望亦可以成為你的祝福。

香港新年怪現象

第一
大年初一，氣溫攝氏25.3度，係自1981年以來最高。亦都係我有生之年的第一次。你係咪第一次呢？

第二
平時到老人院探阿[女麻]，無乜人會走埋黎理你；新年到老人院同阿[女麻]拜年，我同阿爸阿媽好似比蜜蜂「嬲」住，好多人會埋黎恭祝你呢樣個樣，有D之前都未見過，有D又戴mask，唔知佢會唔會唔戴mask又黎恭賀過。不過呢個蜜蜂堆會隨住唔同的家屬來探親而飛來飛去。

第三
飲茶仲攪笑，平時請那些服務員幫忙要呢樣個樣落柯打(如果佢地D野齊，我相信唔洗成日叫佢地幫手)，佢地只會比一個答案：等一陣。之後就等到寂寞變夜深，最後都係要自己親力親為。之不過新年去飲茶呢，情況完全唔同，久唔久就會有人埋黎問：有無野要呀？又或者埋黎講兩句，鬼咁好傾。仲有D平時唔見的角色，都會無啦啦出演，例如無啦啦有人會埋黎掃地，我呢三個月去過呢間茶樓不下廿次，都未見過呢位掃地阿姐。(不過可能係個別事件，大家唔好來第一城飲茶就得架啦。)

其實佢地咁辛苦，都係為左一封利是，佢地年初一二三都要服侍我地呢班大爺，咁大家醒目啦。利事都係辛苦錢來架，我今年拜年就真係拜到可以用疲於奔命來形容。

疲勞過度的情況唔知你有無試過，我今年就試過兩次去拜年拜到訓著左，嘩哈哈哈哈，咁大膽的我都算係最怪。

住彩虹的姑婆。