最近又有中國內地的食物被驗出有蘇丹紅，油炸鬼有洗衣粉，前幾晚去日本餐廳，佢地都要貼張”鰻魚孔雀石綠測試屬零”的檢驗結果在門口。唔係bias，但實在無安全感。但我每日都不能避免食用大量從內地輸港的食品，怎能不加倍留意，另一方面，係知道自己無法避得過，而開始放棄”揀飲擇食”。

Anyway，提起蘇丹紅，就令我想起上年三月學寫新聞稿的痛苦經歷，全因小弟不材。不過當年那段新聞影響之大，遍及全球多個國家。

不過講起蘇丹紅同孔雀石綠，唔知你有無覺得里兩種危害健康的化學品，佢地的名字一點也不”毒”呢？仲好似幾優美咁。較早前在公司與我同事之華姐傾開，佢的形容係，孔雀石綠蘇丹紅好似寶石的名稱，孔雀的綠色亦係靚的顏色，蘇丹紅這個名字，一聽的時候，所想起的係鮮艷的紅色。

人生總會遇上金玉其外的事，不論係食物，衣物，刊物，甚至係人物。總之，凡事都要有智慧，看清楚，否則，最高刑罰可能會令你後悔一生。