上星期五到中環，見他們最後一面*，想將一些事記錄下來。

• 我從尖沙咀上船，搵左個上層近窗的位置。我見到一艘遊艇經過令海面出現浪頭，原來船長會細心地叫大家小心，不過佢的廣播竟然只得廣東話，未有照顧到船上的外籍人士。
• 平時船靠岸的時候，乘客早已搶先站在跳板前準備落船，但今晚乘客好似唔願落船，只顧影相。睇來多數人都係只會對即將失去的事有反應。
• 落船的時間，忽然間感覺自己變左大人物，由小輪走出碼頭，有超過三十部相機影我。
• 我見到在天星碼頭同皇后碼頭範圍入面影相的人數，係我咁大個仔都未見過咁多架。如果你走在其中，而手上係無相機同埋唔係影緊相的話，你就會變成異族。而我就成為左異族啦。
• 本來想問下d人，洗唔洗幫佢地楂機影相，不過稔稔下，香港人而家應該唔敢叫人楂機，因為太多騙徒，我都唔想比人覺得我係騙徒。
• 其實有幾多人係真係對兩個碼頭有感情而去呢？雖然兩個碼頭並無陪伴我成長，但我係因為對香港有感情，而對香港有歷史價值的東西多一份珍惜。
• 香港人的一窩蜂性格好勁，有任何HIT的話題，都可以變得好有號召力。

遺憾的係，相機未買到，無得影相。

*註：香港政府在一遍反對聲音下，於2006年11月11日正式將天星碼頭同皇后碼頭關閉，結束48年的任務，而新碼頭的仿古設計未能得到大部人認同。

真係令我摸不著頭腦。想睇天星碼頭同皇后碼頭，請click里度。