Monthly Archive

You are currently browsing the monthly archive for July 2006.

伍晃榮的壓力

July 29, 2006 in Everyday, Thought | Tags: 蕭揚文, 壓力, 新聞工作, 新聞從業員, 主播, 伍晃榮 | Leave a comment

讀完一篇伍晃榮的訪問，其中一段非常有同感。

「從事多年的新聞工作，伍晃榮表示任主播的工作壓力最大，午夜夢回都會發噩夢，他說︰『做咗咁多年，有時半夜三更會「責」醒，會發夢見到自己報新聞時未化妝，未睇稿，呢種情況好平常。咪以為坐上去讀段新聞係easy job，根本唔係個個會賺到呢D錢。可能有D人對住電視機會話乜報得咁渣，no way! 永遠做live，一坐上去會有壓力，因為知道有過百萬人睇緊，唔想出錯。皆因人地比份工你，梗要你good job，我要吔飯，當然要份工well done。工作係要得到別人認同，呢D係起碼的要求。』」

( Star Magazine July 9, 2006 Page 98 )

其實新聞工作的壓力真係幾大，雖然我只係「差」左半隻腳落去，但有時對住個咪都會非常緊張，而且又要求自己做到最好，做到零出錯，但就因為太驚會出錯，所以唔能夠放鬆去做，結果出錯的機會又大左。就是現在，我也不滿意自己的表現。

另一種壓力是因為自己能力有限。記得一年多前，入行的時候遇上鐵血教練蕭揚文(前香港無線電視新聞部資深總編輯主任蕭揚文先生，一個很好的老師，但很鐵血。)，非讀文科出身的我，要應付翻譯和寫稿，又要應付我師傳(無啦啦做左小飛俠林燕玲的師弟，嘻嘻)，真是很辛苦。每天放工，都非常肚餓，食很多東西，但竟然比之前還要瘦。

不過這份工作令我學懂很多終身受用的東西，是學校學不到的。

特別在此祝願蕭揚文先生早日康復，身心靈都得醫治。

911

July 29, 2006 in Big Screen & Big Sound, Public Affair, Thought | Tags: movie | Leave a comment

今年決定必看的電影，第一齣係United93，已經看過了。

正期待將會在八月九日上演的第二齣。

World Trade Centre 拍成點，好唔好睇就未知，不過佢的tag line 都幾觸動我。

“The world saw evil that day, two men saw something else.”

究竟佢地見到乜呢？好快會知道，而電影配樂都好好聽。八月九日，盛大公映。

歷史記載，必定編纂911為其中之一，至少在美國歷史教材可以找到。而911事件發生當日，我day-off 唔使返學，早上起來，如常按平日的習慣打開電視看天氣。第一眼看到的，是黃底黑字”BREAKING NEWS”，鏡頭中的世貿，黑煙加上火燄，當時未夠九點。在那早上，我的眼睛未有轉離電視機。之後目睹第二架飛機撞向世貿，第一座世貿倒塌，滿面白灰的市民，警察，消防員的驚惶地逃跑，攝影師也在跑，不過仍專業地一路在拍，電視機前的我，也感受到當時的情況。然後第二座世貿倒下。

到今日，我仍記得每一個畫面，用手按著半邊面在哭的黑人女子，目無表情的一眾消防員和警察，呆若木雞的西裝友。每次想起，就好像在我面前再一次上演，好震撼。

下次再講United93的觀後感。